Embedded Files
O’zbekiston Respublikasi Mustaqilligining 34-yillik bayrami
O’zbekiston Respublikasi Mustaqilligining 34-yillik bayrami
Joriy yilning 29-avgust kuni tumanimiz Markaziy o’yingohi yonidagi maydonda O’zbekiston Respublikasi Mustaqilligining 34-yillik bayram shodiyonalari bo’lib o’tdi. Bayram tadbiri “Vatan uchun, millat uchun, xalq uchun” shiori va g’oyasi osida o’tkazildi. Tadbirni tuman xokimi T.A.Bobolov so’zga chiqib, tantana qatnashchilarini hamda tumanimiz aholisini Mustaqilligimizning 34 yilligi bayrami hamda jonajon tumanimizning tashkil topganligiga 90 yil bo’lganligi munosabati bilan muborakbod etdi. Tadbirning badiiy qismida Madaniyat bo’limi san’atkorlari hamda bo’lim qoshida tashkil etilgan “Navro’zi ajam” ashulla va raqs xalq ansambli ijrosidagi diltortar kuy-qo’shiqlari hamda “Quvonch” bolalar xalq raqs dastasi raqqosa qizlarining go’zal raqslari ishtirokchilariga yanada ko’tarinki kayfiyat bag’ishladi. Taniqli san’atkorlar estrada yulduzlari Rustam G’oyupov, Mustafo, Kaniza tomonidan ijro etilgan kuy-qo’shiqlar bayramona kayfiyat ulashdi.
ORZUMEDIKAl sihatgohida konsert
ORZUMEDIKAl sihatgohida konsert
O‘zbekiston Respublikasi Prezidentining 2023-yil 25-dekabrdagi PQ-406-sonli “Aholiga madaniy xizmat ko‘rsatish darajasini yanada oshirish chora-tadbirlari to‘g‘risida”gi qarori asosida, aholi kayfiyatini ko‘tarish va madaniy-ma’rifiy hayotni boyitish maqsadida Oqqo'rg'on tumani Madaniyat bo'limi hamda Respublika Ma'naviyat va ma'rifat markazi Oqqo'rg'on tumani bo'linmasi bilan hamkorlikda 2025-yil 14- avgust kuni Oqqo'rg'on tumani Madaniyat bo‘limi tasarrufidagi 27-son "Markaziy" madaniyat markazi qoshida tashkil etilgan “To'rg'ay ” folklor-etnografik xalq jamoasi hamda "Pari momolar" havaskorlik folklor jamoalari tamonidan Oqqo'rg'on tumani “Birlik” MFY hududida joylashgan "Orzu medikal" dam olish maskanida ko'ngilochar dam olish konsert dasturi namoyish etildi. Ushbu konsert dasturi barchaga unutilmas taassurotlar ulashdi. Milliy an’analar, jonli ijro va samimiy muhit barchaga zavq bag‘ishladi.
"Uzum sayli"festivali
"Uzum sayli"festivali
Joriy yilning 22-23-avgust kunlari Toshkent viloyati Parkent tumani, Zarkent qishlog‘ida an’anaviy tarzda “Uzum sayli” festivali o’tkazildi. Uzum saylida Oqqo‘rg‘on tumani Madaniyat bo’limi qoshida tashkil etilgan “To’rg’ay” folklor-etnografik xalq jamoasi , “Pari momolar” folklor havaskorlik jamoasi hamda “Navro’zi ajam” ashula va raqs xalq ansambli o’zlarining chiqishlari bilan ishtirok etishdi.
O‘qituvchi va murabbiylar doimo e’zozda!
Oqqo‘rg‘on tumani «Rayhon» tantanalar majmuasida yurtimiz hayotidagi qutlug‘ sana - O‘qituvchi va murabbiylar kuni munosabati bilan tuman hokimligi tomonidan tantanali bayram tadbiri tashkil etildi.Bayram tadbirini tuman hokimi o‘rinbosari J.Djanikulov kirish so‘zi bilan ochib berib, tadbir ishtirokchilariga tuman hokimi To‘ra Bobolovning bayram tabrigini o‘qib eshittirdi. Tadbirda o‘qituvchi va murabbiylarning zahmatli mehnati har qancha e’tibor va e’tirofga loyiq ekanini mamnuniyat bilan ta’kidlab o‘tildi. Shundan so‘ng tumanimiz ta’lim-tarbiya tizimida ibrat va fidoyilik namunalarini ko‘rsatib kelayotgan ustoz va murabbiylarni tuman hokimining faxriy yorliqlari hamda qimmatbaho sovg‘alar bilan taqdirlanishdi.Tanatanali tadbirda tuman Madaniyat bo‘limi xodimlari tomonidan tayyorlangan kuyva qo‘shiqlar ijro etildi.Bayram tadbiri ko‘tarinki ruhda, yuqori kayfiyatda bo‘lib o‘tdi.
TOSHKENT VILOYATI MADANIYAT VA SAN’AT HODIMLARI UCHUN BAYRAMONA TADBIR!
TOSHKENT VILOYATI MADANIYAT VA SAN’AT HODIMLARI UCHUN BAYRAMONA TADBIR!
Oqqo‘rg‘on tumani Madaniyat bo‘limining ijodiy jamoalari tomonidan O‘zbekiston Respublikasi Prezidentining PQ–406-sonli qarori ijrosini ta’minlash maqsadida, Madaniyat va san’at sohasida fidokorona mehnat qilayotgan viloyat Madaniyat va san’at xodimlari uchun bayramona ko‘ngil ochar konsert dasturi tashkil etildi!
Tadbirda quyidagi jamoalar o‘z san’atini namoyish etdi:
“Navro‘zi Ajam” ashula va raqs xalq ansambli,
“To‘rg‘ay” folklor-etnografik xalq jamoasi,
“Quvonch” bolalar xalq raqs dastasi,
“Yodgor” bolalar namunali jamoasi
hamda barcha ijodiy jamoalar sahnada o‘zining betakror chiqishlari bilan tomoshabinlarga quvonch, faxr va ilhom baxsh etdilar.
Bu konsert — nafaqat madaniyat fidoyilari uchun bayram, balki ijodkorlar o‘rtasida do‘stlik, tajriba almashish va bir-birini qo‘llab-quvvatlash ruhini yanada mustahkamlovchi muhim voqea bo‘ldi.
Toshkent viloyatida konsert-tomosha muassasalari va folklor jamoalari faoliyati o‘rganildi
Toshkent viloyatida konsert-tomosha muassasalari va folklor jamoalari faoliyati o‘rganildi
Kuni kecha Madaniyat vazirining birinchi o‘rinbosari Bahodir Ahmedov Toshkent viloyatida xizmat safarida bo‘lib, viloyatdagi konsert-tomosha muassasalari va folklor jamoalari faoliyati hamda ular tomonidan yaratilayotgan yangi asarlar bilan tanishdi.
Unda, yaratilayotgan yangi asarlarda yo‘l qo‘yilayotgan kamchiliklar to‘g‘risida fikr bildirib, yangi asarlarni yaratishda e’tibor qaratilishi lozim bo‘lgan masalalar yuzasidan tavsiyalar berdi.
Page updated
Google Sites
Report abuse